e-LEARNING

Prabu RAHWANA utawa DASAMUKA Prabu Rahwana kagungan garwa aran Dewi Tari, yaiku Widodari saka Suralaya kaprenah adhine Dewi Tara. Dewi tara iku garwane Resi Subali, mulane Rahwana yen ngundang kakang marang Resi Subali.  Nalika Dewi Tari nggarbini, Prabu Rahwana kawektu tembunge mangkene, Manawa Dewi tari ya garwane mau nglairake jabang bayi wadon, bakal dipek bojo dening Rahwana dhewe. Bab iki gawe dukane para dewa, awit kang mangkono iku nandhakake yen Rahwana kebangeten anggone ugal-ugalan, kumalungkung rumagsa duwe panguwasa sing ngluwihi para dewa, banjur gawe pranatan sing ora lumrah. Nalika Dewi Tari ndungkap nglairake jabang bayi, para dewa wis pirsa yen anake Rahwana mau bakal lair wadon temenan, mula sadurunge Rahwana weruh wujude si jabang bayi, Bathara Narada tumurun mring Ngalengka saperlu ngijoli jabang bayi kang nembe lair wadon mau karo jabang bayi sing lanang. Bathara Narada banjur nyipta mega (mendhung) ing ngawang-awang dadi jabang bayi lanang. Tekan ing Ngalengk...

Wayang kuwi bisa digawe saka: lulang utawa kulit kewan kayu tetuwuhan suket mori kerdhus utawa kertas logam Awewaton critane, wayang kuwi bisa kapilih dadi pirang-pirang warna kayata: Wayang Rama , critane njupuk saka buku Ramayana ing wektu saiki digolon   Wayang purwa utawa wayang kulit. Wayang Purwa , critane saka purwa-purwa perangane buku Mahabarata ing bab   Pandhawa lan kurawa. Wayang Madya , critane saka Parikesit tekan Jayabaya. Wayang Gedhog (kedhok = topeng), critane saka layang Panji. Wayang Klithik (Wayang Krucil) nyritakake lakon jaman Pajajaran tekan Majapahit,   Prabu Brawijaya pungkasan. Sing kondhang lakon Damarwulan-Minakjingga. Wayang Dupara , critane saka laying babad, kayata : Jaka Tingkir, Jaka Tarub,   Bab. Wad Pajang lsp. Wayang Menak , critane saka tanah Arab. Wayang Suluh , critane warna-warna kanggo aweh sesuluh. Wayang Kancil , critane saka dongeng kancil. Wayang Golek , aslie saka Jawa  Kulon (Jawa Barat), nyritakake lakon ing ...

Pawayangan Wayang, Dhalang, Bléncóng, Kêlír lan Gêdêbóg ora biså dipisah-pisahaké ånå ing pagêlaran wayang. Wêwatón sêrat Sastra Gêndhíng blêgêré pancèn lima. Nangíng mênåwå mêthík såkå kakawín Sumanasantaka limang bab mau kêtambahan anané tabuh-tabuhan utåwå gamêlan manút gêndhíng-gêndhíng síng biså alón, cêpêt, ngrangín utåwå sora. Iku durúng anané pradånggå, wiråswårå, swåråwati utåwå pêsindhèn. Sabanjuré wayang utåwå ringgít wujudé barang síng dirékå kåyå “bonéka” síng nduwèni ciri khas. Wayang digawé såkå kulít utåwå kayu síng ditatah, diukír disunggíng dadi pêpêthan utåwå gêganthaníng manungså. Jinisé wayang akèh bangêt kayåtå: wayang kulít púrwå wayang golèk wayang ménak wayang gêdhóg wayang klithík wayang krucíl wayang bèbèr wayang dupara wayang sulúh wayang wóng, lan liya-liyane. Amargå ånå kréasi lan aprésiasi wayang-wayang mau ngalami owah-owahan, ånå síng ilang lan ånå síng lêstari têkan saiki. Wayang mliginé w...

Wayang kulit   yaiku wayang kang digawe saka kulit kewan, nanging ora sembarang kulit kewan bisa digawe wayang. Lumrahe kulit sing bisa digawe wayang yaiku kulit (lulang) sapi, kebo, lan wedhus sing pinilih. Wayang kulit   mujudake seni tradhisional Indonesia kang ngrembaka mligine ing tanah Jawa. Wayang asale saka tembung ' Ma Hyang ' kang tegese tumuju marang roh spiritual, dewa, utawa Gusti Kang Maha Tunggal. Ana uga kang negesi wayang kuwi ayang-ayang utawa (bayangan=Ind.) , jalaran sing nonton uga bisa nonton wayang saka mburi kelir utawa mung ayang-ayange wae. Tontonan wayang kulit iki kajaba kanggo nglestarekake kabudayan kang adiluhung uga kanggo menehi pitutur marang wong-wong kang dhemen (seneng) kabudayan wayang kulit. Paraga kang nglakokake wayang diarani dhalang kang uga dadi narator dhialog tokoh-tokoh wayang, kanthi diiringi gamelan kang ditabuh dening nayaga lan tembang yang ditembangake para pesindhen. Dhalang nglakokake wayang kulit ana ing sawalike kelir , ...

Ngenani asal usule wayang kulit, ing jagad iki ana rong panemu. Sepisan , ana panggraita wayang asale lan laire ing Pulo Jawa, ngener ing Jawa Timur. Panemu iki saliyane dienut lan dijlentrehake dening para peneliti lan ahli-ahli bangsa Indonesia, uga mujudake asil panaliten sarjana-sarjana Manca. Ing antarane para sarjana Manca kang kalebu ing kelompok iki, yaiku Hazeau, Brandes, Kats, Rentse, lan Kruyt. Manut dheweke alasane cukup kuwat, awit seni wayang isih ana gandheng-cenenge karo kahanan sosiokultural lan religi bangsa Indonesia, mligine wong Jawa. Punakawan, tokoh paling penting ing pewayangan, yaiku Semar, Gareng, Petruk, lan Bagong, mug ana ing pewayangan Indonesia, lan ora ana ing Negara liya. Saliyane iku, jeneng lan istilah teknis pewayangan, kabeh asale saka basa Jawa (Kuna), lan dudu bahasa liyane.  Ewodene, panemu kang angka loro , duwe panemu yen wayang kulit asale saka India, kang digawa bareng karo agama Hindu menyang Indonesia. Dheweke ikuPischel, Hi...