Tembang Macapat (disertai QUIZ)

Tembang Macapat

Diarani tembang macapat ana sawetara panemu nganggep menawa asale saka ma + cepat. Tembang macapat pamacane rikat, ora alon, lagune ora kakehan cengkok. Ana maneh kang negesi kanthi jarwa dhosok. Menawa pamacane papat-papat. Karepe yen nglagokake pamedhote gatra wiwitan tiba wanda kang angka papat, ana uga panemu menawa adedhasar gending yaiku macapat kawancah mat lan pat. Karepe tembang mau yen dilagokake ing gendhing nganggo wirama papat – papat, lire saben sawirama isine patang wanda.
Tembang macapat kaiket ing pathokan guru gatra, guru lagu, lan guru wilangan.

Pathokan Tembang Macapat

1. Guru Wilangan, yaiku cacahe wanda saben sagatra (larik) tembang macapat.
2. Guru Lagu, yaiku tibaning swara ing pungkasane gatra.
3. Guru Gatra, yaiku cacahe gatra (larikan) saben sapada (sabait).
4. Guru Pada, yaiku cacahe pada (bait) saben sapupuh.

Watak lan Gunane Tembang Macapat Maskumambang, watake susah, nelangsa, prihatin. Gunane kanggo medharake rasa susah.   Mijil, watake gandrung utawa prihatin. Prihatine wong kang lagi gandrung yaiku gandrunge marang ngelmu, pangkat, kaluhuran lsp. Gunane kanggo medharake rasa prihatin.   Sinom, watake prasaja, kalem, susah kang lumrah. Gunane kanggo sesorah, medharake rasa susah.   Kinanthi, watake ngemu surasa pengarep-arep,gandrung, kang seneng nanging  sakepenake. Gunane kanggo medhar piwulang utawa pituduh, seneng-seneng, nglelipur.   Asmarandana, watake sengsem, susah utawa prihatin amarga ketaman asmara, lumrahe para nom-noman kang wis gancik dewasa.   Gambuh, watake nanjih-nanjihake, nggenah-nggenahake. Gunane kanggo mulang mawa katrangan.   Dhandhanggula, watake luwesan, sarwa mathuk. Gunane kanggo bebuka, sesorah panutuping atur(crita).   Durma, watake nepsu, sereng, muntab. Gunane kanggo sesorah kang sereng.kanggo perang-perangannalika tantang-tantangan.   Pangkur, watake gandrung, sereng. Gunane kanggo medharake pitutur sing sereng , sok-sok kanggo bebuka.   Megatruh, watake susah, getun pungun-pungun, keduwung marang tindake kang nasar. Gunane kanggo medhar rasa susah.   Pocung, watake duwe surasa sakepenake, sembrana, parikena. Gunane sembranan, cangkriman, crita lucu lan nyenengake.   QUIZ bjw-1 Tembang Macapat