Cangkriman lan Macapat Pocung

SekarPocung

Laras Slendro

(Cangkriman)

6        6         5       3     1       1       1       2      6      6       5       3

Ba    pak      pu    cung   la      ir      e       ti     ni     tah    bi      su,

1       2      6       3       2       1

la   mun    ri      na     ket    an,

1       2       1       3     2       1       2       1        6

pi   nar   su   di   den   te     men         i,

6      1      2      3      2      2      1      6      3      5      3      5
mung sa  ra     na     pi   nan  deng wruh  ba    sa    ni      ra.

CANGKRIMAN

Cangkriman yaiku unen-unen kang kudu dibatang. Dene werna-wernaning cangkriman yaiku: cangkriman wancahan, cangkriman pepindhan, lan cangkriman kang awujud tembang.

a. Cangkriman Wancahan, tuladhane :

• Burnas kopen = bubur panas kokopen
• Wiwa, wite, lesba dhonge, karwa pake = uwi dawa wite, tales amba godhonge,       cikar dawa tipake
• Bot ginawa entheng, theng ginawa abot = Klobot ginawa entheng, gentheng       ginawa abot.

b. Cangkriman pepindhan, tuladhane : 

• Pitik walik saba kebon = nanas
• Sega sakepel dirubung tinggi = salak
• Ora mudhun-mudhun yen ora nggawa mrica sekathong = kates
• Emboke dielus-elus anake diidak-idak = andha
• Gajah nguntal sangkrah = pawon
• Yen ibune siji anake loro, anake siji ibune loro, yen ibune telu ora duwe anak = salak
• Lawa lima,kalong telu dadi pira = wolu

c. Cangkriman awujud tembang, tuladhane :

    Warnanipun wonten putih wonten jamus,

    tindak tanpa pada,

    kang jamus angatarani,

    yen tan dangu arsa kamucur kang waspa.  = mega

    Bapak pucung cangkemu madhepna ndhuwur,

    sabamu ing sendhang, 

    pencokakmu lambung kering, 

    tekan ngomah si pucung mutah kuwaya. = jun, klenthing

    Bapak pucung renteng-renteng kaya kalung,

    dawa kaya ula,

    pencokanmu wesi miring,

    sing disaba si pocung mung  turut kutha. = sepur

    Bapak pucung dudu watu dudu gunung,

    sangkane ing plembang, 

    ngon ingone sang bupati,

    yen lumaku si pocung lembeyan grana. = gajah